22/10/2010

സ്വപ്നം

 











രജനിതന്‍ സുന്ദര മിഴിപ്പോള മയങ്ങിയ
സുരഭില നിമിഷത്തിലെങ്ങോ,
വന്നു നീ ആഘോഷപൂര്‍വമെന്‍ ഹൃദയത്തി
ലൊരു കൊച്ചു സ്വപ്ന രഥമേറി. 
ആത്മാവിലനന്ദമലതല്ലി, ഞാന്‍ നിന്റെ
ചാരത്ത് തന്നെ ഒതുങ്ങി .
ആ മിഴിവേട്ടമിങ്ങൂറിയടിഞ്ഞെന്റെ
മിഴി രണ്ടുമപ്പോള്‍ തിളങ്ങി .
മുരളികയൂതും സ്വരത്തിന്‍ ലഹരിയില്‍
ചൊല്ലി നീ മന്ദമായ് കാതില്‍...

"പോരുമോ കൂടെ, ഈ വഴിത്താരയിൽ
 കൈകോർത്തൊന്നായി നടക്കാൻ"

ഊറിച്ചിരിച്ചു ഞാന്‍ നാണിച്ചിരിക്കവേ
നിന്‍ കടകണ്ണില്‍ ഞാന്‍ നിറഞ്ഞു
എന്‍ ഹൃദയ താളം പകരുവാന്‍
പ്രിയ വാക്കുകള്‍ തിരഞ്ഞു...
എന്കിലുമെന്‍ പ്രണയമിന്നുനിന്‍
മുന്നിലെങ്ങിനെ ഞാന്‍ രചിക്കും ?
വാക്കുകളില്ലതില്‍ കൂട്ടുകളില്ലതില്‍
സ്നേഹമാം കാളിന്ദി മാത്രം...
നിന്‍ മിഴി പുണര്‍ന്നുകൊണ്ടോതി ഞാന്‍ മന്ദമായ്‌
"സ്നേഹിച്ചിടുന്നു ഞാന്‍ നിന്‍ അംശമാത്രമാം
ഏതൊരു വസ്തുവും തോഴാ"
ഇവ്വിധമോതുമ്പോഴെക്കുമെന്‍ മിഴികളില്‍
നീയാം വികാരം തുളുമ്പി...
അതിലൂടെ നിന്നെ പലതായ് കണ്ടെൻറെ
ഹൃദയം നിറഞ്ഞു ഞാന്‍ ഹസിക്കെ ,
നിന്നന്ദരംഗകവാടം വിട്ടെന്നെ
എതോരലാറം ഉണര്‍ത്തി .
വ്യസനിച്ചു പോയി ഞാനെന്കിലും
നിന്‍ പ്രിയ വാക്കെനിക്കാശ്വാസമേകി
അതിനുളളിലുറയുന്ന സ്നേഹ ബിന്ദുക്കളെ
ലോലമാം ഹൃത്തില്‍ കൊരുക്കെ
നിറയുന്നു ഞാന്‍... നിന്നിലൂടറിയുന്നു ഞാനി
ന്നീ, ദിവ്യമാം അനുഭൂതിയെ...
പ്രണയമാം പ്രളയത്തിനെ ...



20/10/2010

.നിനക്കായ്










കുറിക്കില്ല ഞാനിനി നിനക്കായ് ഒരു കവിതയും,
കുത്തിക്കുറിക്കില്ല ഞാനെന്‍ മനസ്സിന്‍ കിനാക്കളും,
ഓര്‍ക്കില്ല ഞാനിനി നിന്നെ കുറിക്കുന്നോ
രോര്‍മ്മകള്‍ പൂക്കുന്ന ജീവിത പച്ചയും.
മണ്ണിന്‍ വിരഹ ഗീതം ശ്രവിക്കവേ,
ഊറി പെരുമാഴചാര്‍ത്താല്‍ പുതപ്പിക്കും,
വിണ്ണിന്‍ കിനാക്കളെ
കണ്പാര്‍ത്തിരിക്കവേ ,
ഉള്ളറകളിലൊന്നിൽ സ്ഥാനം പിടിപ്പാന്‍
ഓടിക്കിതച്ചു നീ വന്നുവെന്നാകില്‍
തഴയില്ല, നിന്നെയെന്‍ ഹൃദയത്തിലൊളിപ്പിച്ചു
കരയാതെ, മിഴികളെ പൂട്ടുമീ ഞാന്‍ .
ആകില്ലിനിയെനിക്കൊരു വരിയുമെഴുതുവാന്‍
ആകില്ലിനിയെന്റെ ഹൃദയം തുറക്കുവാന്‍,
ഒന്നുമാത്രം നിനക്കായ് കുറിക്കട്ടെ
"ചതിവിന്റെ ചെയ്തികൾ
ചങ്കിൽ തറക്കുമ്പോൾ
പശ്ചാത്തപിച്ചു നീ
പ്രണയം സ്മരിക്കുക"